🖋️शंखनाद 📚

बिहारशरीफ, 5 मई 2024 : साहित्यिक मंडली शंखनाद के तत्त्वावधान में स्थानीय बिहारशरीफ के भैसासुर मोहल्ला में साहित्यकार डॉ॰ लक्ष्मीकांत सिंह के आवास स्थित सभागार में शंखनाद के अध्यक्ष डॉ॰ लक्ष्मीकांत सिंह के अध्यक्षता तथा शायर नवनीत कृष्ण के संचालन में शंखनाद, नालंदा के साहित्यिक यात्रा में आझ नारायण प्रसाद के सतमी अनूदित मगही रचना "पितिरबुर्ग से मास्को के यात्रा" के लोकार्पण बिहार के नामचीन लेखक एवं साहित्यकार लोग द्वारा कइल गेलइ। पुस्तक लोकार्पण के अवसर पर विषय प्रवेश करइते शंखनाद के महासचिव साहित्यकार राकेश बिहारी शर्मा लोकार्पित पुस्तक के बारे में कहलथिन कि मगही भाषा के विकास लगी अनवरत कार्यकर्ता नारायण प्रसाद के सतमी अनूदित मगही रचना "पितिरबुर्ग से मास्को के यात्रा" के विमोचन कइल गेले ह। मगही भाषा दुनिया के सबसे सरल एवं मधुर भाषा हइ। ई भाषा कभी मौर्य साम्राज्य के राजभाषा हलइ। बोलचाल एवं कामकाज के एहे प्रमुख भाषा हलइ। परन्तु आझकल मगही भाषाभाषी लोग ही एकर उपेक्षा कर रहलथिन हँ। एकरा पुनः गौरवशाली जगह देलावे हेतु मगध के लोग के ही आगे आवे पड़तइ। ...